مەڕ و بزن لە شەقامەكانی مەدرید دەسوڕێنەوە

مەدرید ــ AA

لە میانی كارەكانی فێستیڤاڵی تراشومانسیا كە لە ساڵی ١٩٩٤ ەوە تا ئێستا ساڵانە لە ئیسپانیا بەڕێوەدەچێت، ژمارەیەكی زۆری سەر مەڕ و بزن لە شەقامەكانی مەدرید بڵاوبوونەتەوە.

مێژوویی فێستیڤاڵی تراشومانسیا لە ئیسپانیا بۆ سەردەمی ناوەڕاست دەگەڕێتەوە.

لە چوارچێوەی فێستیڤاڵەكەدا، جوتیار و شوانەكان بە جل و بەرگی تایبەت خۆیان سەمای میللی جۆارجواریان ئەنجام دا.

دوای ئەوە جوتیاران و شوانەكان بە یاوەری گەشتیارانی بیانی و ناخۆیی لەگەڵ سەر مەڕ و بزنەكان بۆ ماوەی شەش كاتژمێر بە شەقامەكانی مەدرید سواڕنەوە.

بە ئامانجی زیندووكردنەوەی دابونەریتی كۆن، فەرمانڕەوای مەدرید، مانوێلا كارمینا بڕێك پارەی كۆنی ئیسپانی كە مێژووەكەی بۆ ساڵی ١٤١٨ دەگەڕێتەوە وەرگرت بۆ ئەوەی رێگەی تێپەڕبوونیان پێ بدات.

لە لایەكی دیكەوە بەرپرسانی ئیسپانیا بە هۆی فێستیڤاڵەكەوە، لە مەدرید رێگەكانیان داخست.