لە هێرشێکدا بۆسەر گۆڕەپانی مەشقی سەربازیی لە رووسیا ١١ کەس کوژران

مۆسکۆ - AA

لە راگەیەندراوێکدا کە لەلایەن وەزارەتی بەرگریی رووسیاوە بڵاوکراوەتەوە، ئاماژە بەوە کراوە کە دووهاووڵاتی هاوبەندیی دەوڵەتە سەربەخۆكان بە چەك هێرشی تیرۆریستیان کردووەتە سەر گۆڕەپانی مەشقی سەربازیی لە ناوچەی بێلگۆرۆد.

لە راگەیەندراوەکەدا، هەروەها باس لەوە کراوە ١١ کەس لەو هێرشەدا گیانیان لەدەستداوە و ١٥ کەسیش برینداربوون.

لە راگەیەندراوەکەدا ئەوەیش خراوەتەڕوو کە ئەو دوو کەسەی هێرشەکەیان ئەنجامداوە کوژراون.