"لە نیوەی یەکەمی ئەمساڵدا سوپای ئیسرائیل ١٦ منداڵی فەڵەستینی کوشتووە"

غەززە ــ AA

ناوەندی میزان بۆ مافەکانی مرۆڤ بڵاویکردەوە کە سوپای ئیسرائیل لە میانی نیوەی یەکەمی ئەمساڵدا، ١٦ منداڵی لە کەرتی غەززە کوشتووە.

ناوەندی میزان بۆ مافەکانی مرۆڤ کە ناوەندێکی فەڵەستینییە راپۆرتێکی بڵاوکردووەتەوە و تیایدا ئاماژەی بەوەداوە کە لە نیوەی یەکەمی ئەمساڵدا، ١٦ منداڵ لە کەرتی غەززە لە میانی بەشداریکردنیان لە رێپێوانی گەڕانەوەی گەورە لە سنووری غەززە بە گوللـەی سەربازانی سوپای ئیسرائیل کوژراون، ھەروەھا ھەزار و ٢٣٣ی دیکەش بریندارکراون، بەدەر لەوەش ١٧ منداڵی دیکە دەستگیرکراون.

لە راپۆرتەکەدا جەختکراوەتەوە کە سوپای ئیسرائیل بەردەوامە لە پێشێلکردنی مافی فەڵەستینییەکان لە کەرتی غەززە بەتایبەتیش مافی منداڵن، بەو پێیەی کوشتن و بریندارکردنی منداڵان لە لایەن سوپای ئیسرائیلەوە لە نیوەی یەکەمی ئەمساڵدا زیادی کردووە.

لە کۆتایی راپۆرتەکەدا داوا لە کۆمەڵگەی نێودەوڵەتی کراوە کە ھەوڵەکانی بە بەپەلە بخاتەگەڕ بۆ ئەوەی ئیسرائیل ناچار بکات پێشێلکارییەکانی بەرامبەر بە مافی فەڵەستینییەکان رابگرێت.