له‌ ئاكامی هێرشكردنه‌ سه‌ر گرتووخانه‌یه‌ك له‌ ئه‌فغانستان ١٣ كه‌س كوژران

كابوڵ – AA

له‌ ئاكامی هێرشكردنه‌ سه‌ر گرتووخانه‌یه‌ك له‌ ویلایه‌تی نانگه‌رهار كه‌ ده‌كه‌وێته‌ رۆژهه‌ڵاتی ئه‌فغانستان، ١٣ كه‌س كوژران.

گوته‌بێژی ویلایه‌تی نانگه‌رهار، ئاتوڵڵا هۆگیانی به‌ په‌یامنێری ئاژانسی ئانادۆڵوی راگه‌یاند كه‌ دوای ئه‌وه‌ی یه‌كێك له‌ هێرشبه‌ران له‌ رێگای ئۆتۆمبێلی بۆمبڕێژكراوه‌وه‌ ده‌روازه‌ی گرتووخانه‌ی نانگه‌رهاری كرده‌ ئامانج، دواتر هێرشبه‌رانی دیكه‌ چوونه‌ ناو گرتووخانه‌كه‌ و پێكدادان رووی دا له‌ نێوان ئه‌وان و هێزه‌ ئه‌منییه‌كان.

هۆگیانی تیشكیشی خسته‌ سه‌ر ئه‌وه‌ی كه‌ پێكدادانه‌كه‌ چه‌ند كاتژمێرێكی خایاندووه‌ و سێ له‌ هێرشبه‌ره‌كانیش كوژراون.

له‌ ئاكامی هێرشه‌كه‌دا ١٤ كه‌س گیانیان له‌ده‌ست داوه‌ و ٤٢ی دیكه‌یش بریندار بوون.

تاكوو ئێستا هیچ لایه‌نێك به‌رپرسیارێتی خۆی له‌ ئه‌نجامدانی هێرشه‌كه‌ رانه‌گه‌یاندووه‌.