فەڕەنسا: "پابەندین بە پاڵپشتیکردنی عێراق"

هەولێر – AA

سەرکۆماری فەڕەنسا، ئیمانوێل ماکرۆن رایگەیاند کە وڵاتەکەی پابەندە بە پاڵپشیکردنی ئاسایش و سەروەریی عێراق.

ئیمانوێل ماکرۆن لە میانی دووەمین کۆنگرەی بەغدا بۆ ھاریکاری و ھاوبەشیی کە ئەمڕۆ سێشەممە لە ئوردن دەستی پێ کرد رایگەیاند کە وڵاتانی بەشداربووی کۆنگرەکە، هەوڵدەدەن ئاسایش و سەقامگیری لە عێراق و ناوچەکەدا بەرقەراربکەن و جەختیشی کردەوە لەسەر ئەوەی کە هەمووان پابەندن بە دامەزراندنی پەیوەندی هاوسەنگ لەگەڵ عێراقدا.

گوتیشی: "ئەگەر بمانەوێت ئاسایش لە عێراق بەرقەرار بێت، ئەوا پێویستە سەرجەم کێشەکانی لەگەڵ دراوسێیەکانی چارەسەر بکەین".

سەرکۆماری فەڕەنسا، ئیمانوێل ماکرۆن راشیگەیاند کە وڵاتەکەی پابەندە بە پاڵپشیکردنی ئاسایش و سەروەریی عێراق.

ئاماژەی بەوەیشدا کە ئەم ناوچەیە، ئەجێندایەکی هەیە کە وای کردووە بەشداری بکات لە بڕیارە نێودەوڵەتییەکاندا.