ئەنقەرە - AA

وەزیری دەرەوەی تورکیا، هاکان فیدان لە پەیوەندییەکی تەلەفۆنیدا لەگەڵ وەزیری دەرەوەی ئوردن، ئەیمەن سەفادی، دوایین پێشهاتەکانی ناوچەکەیان تاوتوێ کرد.

بەپێی ئەو زانیارییەی لە سەرچاوەکانی وەزارەتی دەرەوەی تورکیاوە وەرگیراوە، فیدان و سەفادی بە تەلەفۆن گفتوگۆیان کردووە.

لە پەیوەندیە تەلەفۆنییەکەدا دوایین پێشهاتەکانی ناوچەکە لە ڕووی سیاسیی، ئەمنیی و مرۆیییەوە تاوتوێ کران. هەروەها هەڵسەنگاندن بۆ ئەو هەنگاوانە کرا کە دەکرێت بنرێن بە مەبەستی کۆتاییهێنان بە هێرشەکان، کەمکردنەوەی گرژییەکان و بەهێزکردنی دەستپێشخەریە دیپلۆماسییەکان لەگەڵ لایەنە پەیوەندیدارەکاندا.