فەڕەنسا.. بەرەو هەڵبژاردنی سەرۆکایەتی

پاریس- AA

خولی دووەمی ھەڵبژاردنی بەرایی دیارییکردنی کاندیدی پارتی سۆسیالیستی دەسەڵاتدار بۆ ھەڵبژاردنەکانی سەرۆکایەتی فەڕەنسا، دەستی پێکرد.

لەو خولەی ھەڵبژاردنە بەراییەکانی دیارییکردنی کاندیدی پارتەکەدا، ھەریەک لە وەزیری پێشووتری پەروەردە، بێنوا ھامۆن و سەرۆکوەزیرانی پێشووتری فەڕەنسا، مانوێل ڤاڵس رکابەریی یەکتر دەکەن.

چاوەڕوان دەکرێت دوو ملیۆن دەنگدەر لەسەرانسەری وڵاتدا لە رێگەی ٧ ھەزار و ٥٣٠ سندوقی دەنگدانەوە، بەشداریی لە ھەڵبژاردنەکەدا بکەن.

بێنوا ھامۆن لە بنکەیەکی دەنگدان لە باشووری خۆرئاوای پاریس و مانوێل ڤالس لە بنکەیەکی دیکە لە باشووی شارەکە، دەنگدەدەن.

پرۆسەی دەنگدان بۆ دیارییکردنی کاندیدی پارتی سۆسیالیستی دەسەڵاتدار تا کاتژمێر ١٩:٠٠ دەخایەنێت.

لەخولی یەکەمی ھەڵبژاردنە بەراییەکاندا نزیکەی یەک ملیۆن و ٧٠٠ ھەزار کەس بەشدارییان کردبوو، ھامۆن لەسەدا ٣٦.٠٣، ڤاڵس لەسەدا ٣١.٤٨ی دەنگەکانیان بەدەستھێنابوو. لەپلەی سێیەمدا ئارنۆد مۆنتێبۆرگ لەسەدا ١٧.٥٢ی دەنگەکانی بردەوە و پشتیوانیی خۆی بۆ ھامۆن راگەیاند.