سەرۆکوەزیرانی هەرێمی کوردستان پەیامێکی بڵاوکردەوە

هەولێر- AA

نووسینگەی راگەیاندنی سەرۆکوەزیرانی هەرێمی کوردستان لە راگەیەندراوێکدا پەیامێکی سەرۆکوەزیرانی هەرێمی کوردستانی بڵاوکردووەتەوە کە تیایدا بەگەرمی دەستخۆشی لە ھێزەکانی ئاسایش و دژە تیرۆر و سەرجەم ھێزە ئەمنییەکانی دیکە دەکات کە لە ماوەیەکی زۆر کەمدا توانییان ئەنجامدەرێک و ھاوکارانی کردە تیرۆریستیییەکەی رێستورانتێکی ھەولێر بدۆزنەوە.

سەرۆکوەزیرانی هەرێمی کوردستان، مەسرور بارزانی رایگەیاند "بەگەرمی دەستخۆشی لە ھێزەکانی ئاسایش و دژە تیرۆر و ھەموو ھێزە ئەمنییەکانی دیکە دەکەم کە لە ماوەیەکی زۆر کەمدا توانییان ئەنجامدەرێک و ھاوکارانی کردەوە تیرۆریستیییەکەی رێستورانتێکی ھەولێر بدۆزنەوە. بەداخەوە بووە ھۆی گیانلەدەستدانی دیپلوماتکارێکی تورکیا و دوو ھاووڵاتی ھەرێمی کوردستان. ئەم سەرکەوتنە بەرھەمی دڵسۆزی و شەونخوونی ئەو ھێزانەیە کە بوونەتە پارێزەری ئارامی و ئاسایشی ھەرێمی کوردستان. ھەروەھا سوپاسی ھاووڵاتییانی ھەرێمی کوردستانیش دەکەم کە بەردەوام پاڵپشت و ھاوکاری دەزگاکانی ئاسایشی ھەرێمی کوردستان بوون".

لە بەشێکی دیکەی پەیامەکەی سەرۆکوەزیرانی هەرێمی کوردستان-دا هاتووە "ھەرێمی کوردستان بە کۆششی ئەم رۆڵە دڵسۆزانە و بە ھاوکاریی ھاووڵاتییانمان ھەمیشە وەک پێگەیەکی ئارام و سەقامگیر دەمێنێتەوە".