سوپاى ليبيا بنكەى ئاسمانى وەتييەى بە تەواوەتى گەمارۆدا

تەڕابلوس - AA

سوپاى ليبيا، بنكەى ئاسمانيى وەتييەى لە باشوورى رۆژهەڵاتى تەڕابلوسى بە تەواوى گەمارۆداوە و لە چالاكى خستووە.

گوتەبێژى فەرمى ئۆپەراسيۆنى گڕكانى توڕەيى سەر بە حكومەتى ليبيا موستەفا ئەلمەجعى، لە لێدوانێكيدا بۆ پەيامنێرى ئاژانسى ئانادۆڵو گوتى: "سوپاى ليبيا لە هەر چوارلاوە گەمارۆى سەربازگەكەى داوە و هەڕەشەكانى نەهێشتووە."

مەجعى، ئاماژەى بەوەكرد كە پێشهاتەى گەورەيان بەدەستهێناوە لەو ئۆپەراسيۆنەى كە لە بەرەبەيانى ئەمڕۆوە دەستيان پێكردووە بۆ ئازادكردنى بنكەكە كە لەژێر دەستى ميليشياكانى خەليفە حەفتەر دایە و گوتى: " ئۆپەراسيۆنەكە وەك ئەوەى پلانى بۆدانرابوو بەڕێوەدەچێت."

مەجعى، ئەوەشى راگەياند کە چەند سەربازێکیان بەهۆی هێرشی فڕۆكە بێفڕۆكەوانەكانى ئيمارات كە لە بنكەى ئاسمانى ئەلجەفرەوە هەڵدەستن، گیانی لەدەستداوە.