سووريا.. لە هێرشێكى رژێمى ئەسەد بۆسەر ئيدلب دوو سڤيل کوژران

ئيدلب - AA

لە ئاکامی هێرشێكى رژێمى بەشار ئەسەد بۆسەر ناوچەى كەمكردنەوەى گرژييەكان لە ئيدلب باکووری رۆژئاوای سووریا، دوو سڤيل کوژران.

هێزەكانى سوپاى رژێمى ئەسەد و گرووپە تيرۆريستییە بيانييە پشتیوانیكراوه‌كان لەلايەن ئێرانەوە، رێككەوتنى ئاگربەستى واژووكراو لە نێوان توركيا و رووسيا لە پێنجی ئادارى ٢٠٢٠یان، پێشێلكردووە و تۆپبارانێكى چڕی شارۆچكەى ئەريحایان كردووه‌.

لە ئەنجامی ئەو هێرشەدا دوو سڤيل کوژران.

- دۆخى ئيدلب

توركيا، ئێران و رووسيا لە كۆبوونەوەى رۆژانی ٤-٥ى ئايارى ساڵى ٢٠١٧ له‌ ئاستانا، ئيدلب و پارێزگاكانى دەوروبەريان بۆ چوار "ناوچەى كەمكردنەوەى گرژييەكان" جياكردەوە.

رژێم و گرووپە تيرۆريستییە بيانييە پشتیوانیكراوه‌كان لەلايەن ئێرانەوە بە پاڵپشى رووسيا، دەستيان بەسەر سێ ناوچە له‌كۆی ئەو چوار ناوچەيەدا گرت و روويان لە ئيدلب كرد. توركيا، لە ئەيلوولى ٢٠١٨دا به‌مه‌به‌ستی توندتركردنى ئاگربەستەكە له‌گه‌ڵ رووسيا لێكتێگەيشتنى سوچييان واژووكرد.

دواجار توركيا و رووسيا لە پێنجی ئادارى ساڵى ٢٠٢٠دا لە مۆسكۆ لێكتێگەيشتنێكى نوێيان واژووكرد.