رووسیا زیاتر لە ٣٢٠ جۆر چەکی لە سووریا تاقی کردووەتەوە

مۆسکۆ - AA

وەزیری بەرگریی رووسیا، سێرگی شۆیگو رایگەیاند کە سوپای رووسیا لە ئۆپەراسیۆنەکانی سووریادا، زیاتر لە ٣٢٠ جۆر چەکی تاقی کردووەتەوە.

سێرگی شۆیگو لە گوتارێکیدا کە لە کارگەی هێلیکۆپتەری رۆستڤێرتۆل لە شاری رۆستۆڤ-نا دۆنو پێشکەشی کرد، باسی لەو چەکانە کرد کە لە ئۆپەراسیۆنەکان لە سووریا بەکارهێنراون.

وەزیری بەرگریی رووسیا ئاماژەی بەوە کرد کە یەکێک لەو هێلیکۆپتەرانەی لەم کارگەیەدا دروستکراوە لە ئەنجامی ئۆپەراسیۆنەکانی سووریا پەرەی پێدراوە، بۆ ئەوەی ئۆتۆمبێلەکانی تەکنیکی سەربازیی پارێزراوبن پێویست بە سیستمەکانی بەرگریی ئاسمانی درێژ مەودا هەبوو و رووسیاش بووە خاوەنی ئەوە.

سێرگی شۆیگو هەروەها جەختی لەسەر ئەوە کردەوە کە لە سایەی ئۆپەراسیۆنەکانی سووریادا، بوونەتە خاوەنی ئەو جۆرە چەکانە و گوتی: ''لە میانی ئۆپەراسیۆنەکاندا، زیاتر لە ٣٢٠ جۆر چەک تاقیکراونەتەوە بە هێلیکۆپتەرەکانیشەوە''.

وەزیری بەرگریی رووسیا، ئەوەشی خستەڕوو کە بەشی چەک و ئامێری هاوچەرخ لە سوپای رووسیادا، سەدا ٧٠یە و رایگەیاند ''ئەوە لەنێو هەموو سوپاکانی جیهاندا بەرزترین رێژەیە''.