رووسیا: ''بە چەکی زۆر پیشکەوتوو خاڵە سەربازییەکانی ئۆکراینا لە چالاکی خراون''

مۆسکۆ - AA

وەزارەتی بەرگریی رووسیا رایگەیاند کە بە چەکی زۆر پیشکەوتوو، سیستمەکانی بەرگریی ئاسمانیی و هێزە ئاسمانییەکانی ئۆکراینایان لە چالاکی خستووە.

لە راگەیەندراوێکدا کە لەلایەن وەزارەتی بەرگریی رووسیاوە بڵاوکراوەتەوە، بانگەشەی ئەوە کراوە کە ئۆپەراسیۆنی تایبەتی سەربازیی بۆسەر ناوچەی دۆنباس مەترسی بۆسەر مەدەنییەکان لە وڵاتەکە دروست نەکردووە.

لە راگەیەندراوەکەدا هەروەها هاتووە ''بە چەکی زۆر پیشکەوتوو ژێرخانی سەربازیی، سیستمەکانی بەرگریی ئاسمانی و هێزە ئاسمانییەکانی لە ئۆکراینا لە چالاکی خراون''.