رادەستکردنی ئەرکی سەرکۆماری فەڕەنسا

پاریس – AA

فرانسوا ئۆلاند ئەرکی سەرکۆماری فەڕەنسای رادەستی ئیمانوێل ماکرۆن کرد.

لەو مەراسیمەدا کە لە کۆشکی ئەلیزیە بەڕێوەچوو ماکرۆن بوو بە هەشتەمین سەرکۆماری، کۆماری پێنجەمی فەڕەنسا.

بەر لە دەستپێکردنی مەراسیمەکە ئۆلاند و ماکرۆن ماوەی نیو کاتژمێر بە یەکەوە کۆبوونەوە. لە کۆبوونەوەکەدا ئۆلاند نزیکەی ٣٠٠ کۆدی نهێنی چەکی ناوەکی رادەستی ماکرۆن کردووە.

دوای کۆبوونەوەکە ماکرۆن لە کۆشکەکە بە چەپڵەڕێزان ئۆلاندی بەڕێکرد. ماکرۆن و بریگیت ماکرۆنی هاوسەری دواتر لەسەر پلیکانەکانی ئەلیزیە وەستان بۆ ئەوەی رۆژنامەوانان وێنەیان بگرن.

دوای کۆبوونەوەکە و لە میانی مەراسیمەکەدا گەنجترین سەرکۆماری فەڕەنسا کە تەمەنی ٣٩ ساڵە، نیشانی مەزنترین سەرۆکی فەڕەنسا ناپلیۆنی یەکەم Legion d'Honneur پێشکەش کرا.

لە مەراسیمەکەدا، هاوسەری ماکرۆن و ژمارەیەکی زۆری سیاسەتمەدار و بەرپرسە باڵاکان بەشداربوون.

چاوەڕێ دەکرێت دوای نیوەڕۆی ئەمڕۆ ماکرۆن سەردانی کۆتەڵی سەربازی ونبوو Arc de triomphe de l'Etoile بکات کە دەکەوێتە شەقامی Legion d'Honneur.