تورکیا ئیدانەی پەلامارەکەی سەر فڕۆکەخانەی بەغدای کرد

بەغدا - AA

باڵیۆزخانەی تورکیا لە بەغدا، ئیدانەی ئەو پەلامارەی کرد کە کرایە سەر فڕۆکەخانەی نێودەوڵەتيى بەغدا.

لە راگەیەندراوێکدا باڵیۆزخانەی تورکیا نووسیویەتی: "پێویستە ئەو پەلامارە تیرۆريستییانە کۆتاییان پێ بێت کە سەقامگیری عێراق و ئاسایشی هاووڵاتییانی مەدەنی دەکەنە ئامانج".

لە لایەکی دیکەشەوە سیستمی فڕۆکەوانی عێراقی، ئەوەی ئاشکرا کرد کە تەنها فڕۆکەیەک بەهۆی هێرشەکەوە زیانی بەرکەوتووە و گەشتە ئاسمانییەکانی فڕۆکەخانەی بەغدا بەبێ وەستان بەردەوامن.

جێی وەبیرهێنانەوەیە بەرەبەیانی ئەمڕۆ شەش مووشەک ئاڕاستەی فڕۆکەخانەی نێودەوڵەتيی بەغدا کران.