ئەفغانستان.. لە تەقینەوەیەکدا ١٥ هاووڵاتی مەدەنی کوژران

کابوڵ - AA

لە ویلایەتی غەزنە-ی ئەفغانستان، تەقینەوەیەک روویدا.

لەو بارەیەوە گوتەبێژی وەزارەتی ناوخۆی ئەفغانستان، تاڕق ئاریەن لە کۆنگرەیەکی رۆژنامەوانیدا ئەوەی ئاشکرا کرد کە لە کاتی رێوڕەسمێکی خەتمی قورئان لە ویلایەتی غەزنە، ماتۆڕسکیلێکی بۆمبڕێژکراو تەقیوەتەوە.

ئارەین باسی لەوەشکرد کە لە تەقینەوەکەدا ١٥ هاووڵاتی مەدەنی گیانیان لەدەستداوە و ٢٠ هاووڵاتی دیکەش برینداربوون.

تا ئێستاش هیچ لایەنێک بەرپرسیاریەتی خۆی لە پەلامارەکە رانەگەیاندوە.