ئەفغانستان.. بەهۆی دوو پەلامارەوە ١٣ کەس کوژران

کابوڵ - AA

لە ویلایەتی قەندەهار لە باشووری ئەفغانستان دوو تەقینەوەی یەک لە دوای یەک روویاندا و بوونە هۆی کوژرانی ١٣ هاووڵاتی مەدەنی.

لەو بارەیەوە گوتەبێژی ویلایەتی قەندەهار، باهیر ئەحمەدی لە لێدوانێکیدا بۆ رۆژنامەنووسان ئەوەی ئاشکرا کرد پەلامارەکان لە شارۆچکەی سپین بوڵداک و لەڕێی دوو بۆمبەوە ئەنجامدراون کە لە کەناری رێگایەکەدا داندرابوون.

ئەحمەدی باسی لەوەش کرد کە بۆمبەکان یەک لە دوای یەک بە دوو ئۆتۆمبێلی گواستنەوەی هاووڵاتییانی مەدەنیدا تەقیونەتەوە و لە ئاکامدا ١٣ هاووڵاتی مەدەنی کوژراون کە سێ منداڵیشیان لەنێودابووە و سێ هاووڵاتی دیکەش بریندار بوون.

تا ئێستاش هیچ گرووپ و لایەنێک بەرپرسیاریەتی خۆی لە پەلامارەکە رانەگەیاندووە.