ئێران.. خۆپیشاندانی خانه‌نشینان

ئیستانبوڵ - AA

له‌چه‌ند شارێكی ئێران به‌مه‌به‌ستی داواكردنی زیادكردنی مووچه‌ی خانه‌نشینی، خۆپیشاندان به‌ڕێوه‌چوو.

به‌پێی هه‌واڵی ئاژانسی هەوڵی ILNA ئێران، به‌یانیی ئه‌مڕۆ سه‌دان خانه‌نشین له‌به‌رده‌م باڵەخانەی فەرمانگەی بوودجه‌ و پلاندانان له‌ شاری تاران پایتەختی ئێران گردبوونه‌وه‌ و رایانگه‌یاندووه‌، ئه‌و بڕە مووچه‌یەی وه‌ریده‌گرن له‌ژێر سنووری هه‌ژارییه‌وه‌یه‌ و پڕۆتێستۆی دۆخه‌كه‌یان كردووه‌.

خانه‌نشینان داوای زیادكردنی مووچه‌كانیان و باشتركردنی هه‌لومه‌رجی بیمه‌كانیان كرد.

هاوكات جگه‌ له‌ تارانی پایته‌خت، له‌ چه‌ند شارێكی دیكه‌ی وه‌ك یه‌زد و مه‌شهه‌دیش بۆ هەمان مه‌به‌ست خۆپیشاندان به‌ڕێوه‌چوو.