ئێران.. بەهۆی تەقینەوەیەک چوار کەس گیانیان لەدەستدا

ئیستانبوڵ- AA

لەناو ماڵێکی شاری ئەهواز سەربە پارێزگای خوزستان باشووری رۆژئاوای ئێران، بەهۆی گیرانی بۆڕی گواستنەوەی غازی سروشتی، تەقینەوەیەک روویدا.

سەرۆکی بەشی فریاگوزاری خێرا لە زانکۆی زانستە پزیشکییەکان لە شاری ئەهواز، فەرهەنگ کەرەبەندی ئەوەی ئاشکرا کرد کە بەهۆی تەقینەوەکەوە، چوار کەس گیانیان لەدەستداو و پێنجی دیکەش برینداربوون کە لەئیستادا لە نەخۆشخانەن.

ناوبراو باسی لەوەش کرد کە بەهۆی تەقینەوەکەوە، ماڵەکە داڕووخاوە و زیانی ماددی بەر بیناکانی دەورووبەری کەوتووە.