ئازه‌ربایجان.. سوپای ئه‌رمینیا هێرشی كرده‌ سه‌ر هه‌ردوو شاری گه‌نجه‌ و مینگه‌چه‌ڤیر

باكۆ – AA

سوپای ئه‌رمینیا له‌ رێگای ئاراسته‌كردنی مووشه‌كه‌وه‌ هێرشی كرده‌ سه‌ر هه‌ردوو شاری گه‌نجه‌ و مینگه‌چه‌ڤیر له‌ ئازه‌ربایجان.

راوێژكاری سه‌ركۆماری ئازه‌ربایجان، حیكمه‌ت حاجییێڤ له‌ هه‌ژماری فه‌رمی خۆی له‌ تویته‌ر رایگه‌یاند كه‌ سوپای ئه‌رمینیا له‌ رێگای ئاراسته‌كردنی مووشه‌كه‌وه‌ هێرشی كردووه‌ته‌ سه‌ر هه‌ردوو شاری گه‌نجه‌ و مینگه‌چه‌ڤیر.

به‌پێی زانیارییه‌كان به‌هۆی ئه‌و مووشه‌كانه‌ی ئاراسته‌ی گه‌نجه‌ كراون ژماره‌یه‌كی زۆری هاووڵاتییان، له‌ژێر داروپه‌ردووی ته‌لاره‌ رووخاوه‌كاندا گیریان خواردووه‌.

هه‌وڵه‌كانیش بۆ دۆزینه‌وه‌ و رزگاركردنی گیرخواردووان به‌رده‌وامن.