ھیندستان.. گیانلەدەستدانی ٨٣٧ کەسی دیکە بەھۆی کۆرۆنا

ئەنقەرە - AA

لە ھیندستان لە میانی ‌٢٤ کاتژمێری رابردوودا، ٨٣٧ کەس بەھۆی ڤایرۆسی کۆرۆنای نوێ (COVID-١٩) گیانیان لەدەستداوە.

بەپێی زانیارییەکانی وەزارەتی تەندروستیی ھیندستان، بە گیانلەدەستدانی ٨٣٧ کەسی دیکە کۆی ئەو کەسانەی کە لەو وڵاتە بەو پەتایە گیانیان لەدەستداوە بەرزبووەتەوە بۆ ١١٢ ھەزار و ٩٩٨ کەس؛ ھەروەھا ٦٢ ھەزار و ٢١٢ حاڵەتی نوێی تووشبوون بە پەتاکە تۆمارکراوە و تێکڕای ژمارەی تووشبووان گەیشتووەتە، حەوت ملیۆن و ٤٣٢ ھەزار و ٦٨١ کەس.

تا ئێستا لە ھیندستان شەش ملیۆن و ٥٢٤ ھەزار و ٥٩٥ تووشبوو چاکبوونەتەوە.

بەپێی ماڵپەڕی Worldometer کە پشت بە ئامارەکانی پەتای کۆرۆنا دەبەستێت لە جیھاندا، ھیندستان لەسەر ئاستی جیھاندا، ریزبەندی دووەمی گرتووە لەڕووی تۆمارکردنی زۆرترین حاڵەتەکانی تووشبوون بە پەتای کۆرۆنا.