ڤاتیکان: "پاپا فرەنسیس لە یەک ڕۆژدا تووشی ھەناسەسواری بووە"

ڤاتیکان ــ AA

ڤاتیکان ڕایگەیاند کە رێبەری کاسۆلیکەکانی جیھان و سەرۆکی ڤاتیکان، پاپا فرەنسیس بەھۆی ھەوکردنی سییەکانییەوە لە یەک ڕۆژدا، تووشی ھەناسەسواری بووە.

لە ڕاگەیاندراوێکدا کە لەلایەن ڤاتیکانەوە بڵاوکراوەتەوە، پاپا فرەنسیس تەمەن ٨٨ ساڵ ١٨ ڕۆژ لەمەوبەر بەرلەوەی بەھۆی تووشبوونی بە ھەوکردنی سییەکانییەوە لە نەخۆشخانەیەک لە ڕۆما پایتەختی ئیتاڵیا بخەوێندرێت، لە یەک ڕۆژدا بە توندی تووشی ھەناسەسواری بووە.

ئاماژەی بەوەشداوە کە لەبەر ئەو ھۆکارە، دوو پشکنینی بۆرییەکانی ھەناسەی پاپا فرەنسیس ئەنجامدرا و بەھۆیەوە دۆخی تەندروستیی باش بووەتەوە.

ڕۆژی ١٤ی مانگی ڕابردوو، پاپا فرەنسیس تووشی ھەوکردنی سییەکان بوو کە دواتر بۆ وەرگرتنی چارەسەر گواسترایەوە بۆ نەخۆشخانەی گێمێڵی لە رۆما.