یڵدرم: "ئەمریکا هاوبەشە لە کۆمەڵکوژییەکەی فەڵەستین"

ئەنقەرە -

سەرۆکوەزیرانی تورکیا، یڵدرم لەبارەی کۆمەڵکوژییەکەی غەززە لەلایەن ئێسرائیلەوە گوتی : " کۆمەڵکوژییەکی زۆر قێزەون بوو. بە توندی ئیدانەی دەکەم".

یڵدرم دوای گەڕانەوەی لە ئیستانبوڵەوە بۆ ئەنقەرە ، لە فڕۆکەخانەی ئەسەنبۆغا کۆنگرەیەکی رۆژنامەوانی سازکرد.

یڵدرم لەبارەی وەڵامی پرسیارێک لەبارەی گواستنەوەی باڵیۆزخانەی نەی ئەمریکا لە تەلئەبیبەوە بۆ قود گوتی : "وەک تورکیا جارێکی دیکە ئەو بڕیارە ئیدانە دەکەین. ئێمە وەک نەبووە ئەو بڕیارە هەژمار دەکەین".

ناوبراو سەبارەت بە کۆمەڵکوژییەکەی غەززە لەلایەن ئێسرائیلەوە گوتی : " کۆمەڵکوژییەکی زۆر قێزەون بوو. بە توندی ئیدانەی دەکەم".

یڵدرم زیاتر گوتی : " ئەوە بە روونی سووکایەتی پێکردنە. بە روونی هەژمارنەکردنی وڵاتێکە، هەژمار نەکردنی فەلەستینە. زەوتکردنی مافەکانیانە".

بينالى یڵدرم رەخنەی لە ئەمریکا گرت بەهۆی ئەو بڕیارەی و گوتی :"ئەمریکا کە بانگەشەی ئەوە دەکرد ئاشتی جیهان دەپارێزێت و نێوەندگیری دەکات، دەستی لەم کۆمەڵکوژییە هەیە، ئەم کارە قابیلی قبوڵکردن نییە. بەداخەوە ئەمریکا پشتیوانی لە حکوومەتی ئیسرائیل دەکات کە هاووڵاتیانی سڤیل کۆمەڵکوژ دەکات. ئەوە بەشداربوونە لە تاوانی دژ بە مرۆڤایەتی".