گەنجێک لە وان بۆ راوەماسی دەچێت و دیارنامێنێت

وان - AA

دوێنێ گەنجێک لە شارۆچکەی چاڵدێران سەربە پارێزگای وان دەچێتە دەرەوەی ماڵ بۆ راوەماسی و تا ئێستا هەواڵی نییە.

دوێنێ عومەر تۆپگاچ ٢١ ساڵ دەچێتە دەریاچەی کاز، لەوێ ئێوارە ناگەڕێتەوە و کەسوکاریشی جەندرمەی ناوچەکە لە دۆخەکە ئاگادار دەکەنەوە.

تیمەکانی جەندرمە و ئافاد دەستیانکردووە بەگەڕان و پشکنین لە دەریاچەی کاز و هاووڵاتییانی ناوچەکەش یارمەتی تیمەکان دەدەن.