چاناككاله‌.. ئه‌و ئاگره‌ دامركێندرایه‌وه‌ كه‌ له‌ كه‌شتی Ro-Ro كه‌وتبووه‌

چاناککالە - AA

ئەو ئاگرە دامرکێندرایەوە کە لە کەشتی Ro-Ro کەوتبووەوە لە سنوورە ئاوییەکانی چاناککالە کە لە بەندەری توزڵای ئیستانبوڵ'ەوە بەرەو بەندەری ترێستە لە ئیتاڵیا بەڕێکەوتبوو.

لە کاتێکدا کەشتییەکە ٣٥ میل لە گوندی باباکالە لە قەزای ئایڤاجک دووربوو، کەشتیوانی کەشتییەکە پەیوەندی بە بەشی خزمەتگوزاری ھاتوچۆی کەشتییەکانی گەرووی چاناککالە کرد و ئاگاداری کردنەوە لە کەوتنەوەی ئاگر لە کەشتییەکەدا.

‌دواتر دوو کەشتی سەر بە بەڕێوەبەرایەتی گشتی ئاسایشی کەناراوەکان گەیشتنە لای کەشتی Ro-Ro و لە دوو لاوە ھەوڵی دامرکاندنەوەی ئاگرەکەیان دا.

دواتر تواندرا لە وشکانیشەوە ھەوڵی دامرکاندنەوەی ئاگرەکە بدرێت و بە ھاوکاری ئەم دوو کەشتییە Ro-Ro بگەیەندرێتە بەندەری ئاکچانسا.

تیمەکان توانیان بە دەستوەردانەکانیان لە وشکانی و دەریاوە ئاگری کەشتییەکە دابمرکێننەوە کە ٢٢ کارمەندی تیمی کەشتیوانی و دوو سەرنشین و ٢٢٠ ئامێری تیادابوو.
زاندراوە کە کارەکانی سارکردنەوەی کەشتییەکە بەردەوامن.