وان.. لە رووداوێکی هاتوچۆدا چوار کەس گیانیان لەدەستدا

وان- AA

لە ئەنجامی بەریەککەوتنی دوو ئۆتۆمبیل لە شارۆچکەی ئۆزاڵپ سەر بە پارێزگای وان، چوار کەس گیانیان لەدەستدا و پێنج کەسی دیکەش برینداربوون کە برینی دووانیان سەختە.

بە پێی ئەو زانیارییانەی دەستکەوتوون، لەسەر رێگەی سەرەکی وان-ئۆزاڵپ، دوو ئۆتۆمبیل بەریەککەوتن.

لە ئەنجامی رووداوەکەشدا، چوار کەس گیانیان لەدەستدا و پێنج کەسی دیکەش برینداربوون کە باری تەندروستی دووانیان ناجێگیرە.

بریندارەکان گوازراونەتەوە بۆ نەخۆشخانەکانی وان بە مەبەستی وەرگرتنی چارەسەری پزیشکیی.

بە هۆی رووداوەکەوە، بەشێک لە رێگەکە بە رووی هاتوچۆدا داخراوە.