هێرشی سوپای تورکیا بۆ سه‌ر په‌که‌که‌

ئەنقەرە - AA

فڕۆکه‌ جه‌نگییه‌کانی سه‌ربه‌ هێزی ئاسمانیی سوپای تورکیا هێرشیان کردە سەر پێگه‌کانی په‌که‌که‌ له‌ناوچەی زاب باکووری عێراق و 12 حەشارگە، پەناگە، سەکۆی چەکی قورسی رێکخراوەکەکان خاپوور کرد.

به‌پێی ئه‌و زانیارییانه‌ی له‌سه‌رچاوە ئەمنییەکانەوە ده‌ستکه‌وتوون، دوێنێ له‌نێوان کاتژمێر 18:00 تاوه‌کو کاتژمێر 18:30 ئۆپه‌راسیۆنی ئاسمانیی بۆ سه‌ر پێگه‌کانی په‌که‌که‌ له‌ناوچه‌ی زاب باکووری عێراق، ئه‌نجامدراوه‌.

ئۆپەراسیۆنەکە له‌ژێر رۆشنایی ژماره‌یه‌ک زانیاریی هه‌واڵگریی و چاودێریی، سازکراوە و تێیدا 12 حەشارگە، پەناگە، سەکۆی چەکی قورسی رێکخراوەکە بۆردومان کراوە.

دوای ئه‌وه‌ش که‌ فڕۆکه‌کان به‌ سه‌رکه‌وتوویی ئه‌رکه‌کانیان ئه‌نجامدا، گه‌ڕانه‌وه‌ بنکه‌ سه‌ربازییه‌کان.