لەدرێژەی ئۆپەراسیۆنەکانی چوکورجا 21 چەکداری پەکەکە کوژران

ئەنقەرە - AA

- لەئۆپەراسیۆنە ئاسمانیی و زەمنییەکانی ئەمڕۆی هەریەک لەناوچەکانی گوڤەنداغی و ئوزوندەرە هیسارداغی لەشارۆچکەی چوکورجای هەکاری بۆ سەر چەکدارانی پەکەکە، 21 چەکداری رێکخراوەکە کوژران.
- لەئۆپەراسیۆنەکاندا 2 سەرباز گیانیان لەدەستدا و 5ی دیکەیان برینداربوون

لەئۆپەراسیۆنە ئاسمانیی و زەمنییەکانی ئەمڕۆی هەریەک لەناوچەکانی گوڤەنداغی و ئوزوندەرە هیسارداغی لەشارۆچکەی چوکورجای هەکاری بۆ سەر چەکدارانی پەکەکە، 21 چەکداری رێکخراوەکە کوژران.

بەپێی ئەو روونکردنەوەیەی لەلایەن سەرۆکایەتی ئەرکانی سوپای تورکیاوە بڵاوکراوەتەوە، یەکەکانی سەر بەفەرماندەیی سێی پیادە لەکاتژمێر 00:09 تاوەکو کاتژمێر 07:08 لەهەریەک لەناوچەکانی گوڤەنداغی و ئوزوندەرە هیسارداغی لەشارۆچکەی چوکورجای هەکاری لە ئۆپەراسیۆنەکانیاندا 9 چەکداریان کوشتووە.

هاوکات دوو چەکداری دیکە کە لەناوچەی هیسارداغی شوێنەکانیان دەستنیشانکرابوو، لەرێگەی فڕۆکەیەکی بێفڕۆکەوانەوە کوژراون و هەر لەهەمان ناوچە لەکاتژمێر 08:26 تاوەکو کاتژمێر 08:28 فڕۆکە جەنگییەکانی تورکیا گرووپێکی دیکەیان لەچەکدارانی پەکەکە بۆردوومان کرد کە 10 چەکداربوون و لەئەنجامی هێرشەکەدا هەموویان کوژران.

بەمشێوەیەش لەناوچەکانی گوڤەنداغی و ئوزوندەرە هیسارداغی لە ئۆپەراسیۆنە ئاسمانیی و زەمینییەکانی ئەمڕۆدا 21 چەکداری پەکەکە کوژراون.

ئەوەش زانراوە کە چەکدارە بریندارەکان لەلایەن چەکدارەکانی دیکەی رێکخراوەکەوە براونەتە درەوەی سنوورەکانی تورکیا.

لەبەرامبەریشدا لە تەواوی ئۆپەراسیۆنەکاندا 2 سەرباز گیانیان لەدەستدا و 5ی دیکەیان برینداربوون. سەربازە بریندارەکان گوازرانەوە بۆ نەخۆشخانەکان و دەست بە چارەسەریان کرا.