لێدوانی گرنگ لە سەرکۆمار رەجەب تەیب ئەردۆغانەوە

رەجەب تەیب ئه‌ردۆغان: "ده‌زانن چی ئه‌و پێكهاته‌ ناپاكه‌ی پێی ده‌ڵێن فه‌تۆ-ی په‌رێشان كردووه‌؟ له‌و شوێنانه‌ی كه‌ خاوه‌ن قسه‌ و خاوه‌ن ده‌سه‌ڵات بوون، ئه‌وه‌ی نیشانیانداوه‌ نادادپه‌روه‌ری و بێ به‌زه‌ییبوون بووه‌. فه‌تۆ له‌ ناخی گه‌له‌كه‌ماندا به‌هۆی بینین به‌رژه‌وه‌ندیی ته‌نها ئه‌ندامانی خۆیان و گوێ نه‌دان به‌ مافی هه‌موو ئه‌وانه‌ی دیكه‌، تاوانباركرابوو. ئه‌وه‌ی ده‌زگای ئاسایش و ده‌زگای داد ئه‌نجامی ده‌ده‌ن، خستنه‌ڕووی ئه‌و تاوانبارییه‌ واتاییه‌یه‌ كه‌ له‌ناخی گه‌له‌كه‌ماندایه‌".

سه‌ركۆماری توركیا ره‌جه‌ب ته‌یب ئه‌ردۆغان: "سه‌رۆكی دادگای باڵا باسی له‌وه‌ كردووه‌ كه‌ ئه‌گه‌ر بێت و رێوڕه‌سمی ده‌ستپێكی ساڵی دادگا لێره‌ نه‌كرایه‌، جێگره‌وه‌كه‌ی هۆڵی نهۆمی دووه‌می هۆتێلێك ده‌بوو كه‌ 600 كه‌س ده‌گرێت. له‌ ئێستادا هه‌زار و 500 كه‌س له‌ هۆڵه‌كه‌ماندا جێگه‌یان ده‌بێته‌وه‌. خۆیمان بانگهێشتكرد تا بۆی باسبكه‌ین كه‌ ناوه‌ندێكی كۆنگره‌ و كولتووری له‌م شێوه‌یه‌ له‌ژێر فه‌رمانی دامه‌زراوه‌كانی ده‌وڵه‌تدایه‌ و ئه‌مڕۆ ئه‌و كۆبوونه‌وه‌یه‌ لێره‌ ئەنجامدەدەین، خێری پێوه‌بێت. ئه‌و دادگایه‌ی به‌ناوی گه‌له‌وه‌ ئه‌ركه‌كانی جێبه‌جێده‌كات، ئه‌نجامدانی رێوڕه‌سمی ده‌ستپێكی ساڵی دادگای له‌ جێگایەک کە گەل خاوەندارێتیی دەکات، گومان ناخاته‌ سه‌ر سه‌ربه‌خۆیی دادگا، به‌ڵكو ته‌واو به‌ پێچه‌وانه‌وه‌ سه‌ربه‌خۆیی دادگا به‌هێز ده‌كات".

"پێویسته‌ ئێمه‌ له‌مه‌ودوا زۆر جیاواز كاربكه‌ین. هیچ لایه‌كمان مافی ئه‌وه‌مان نییه‌ له‌ ده‌ره‌وه‌ی به‌رژه‌وه‌ندی و پێویستییه‌كانی وڵات و گه‌له‌كه‌مان هه‌ڵسوكه‌وت بكه‌ین. پێش 15ی ته‌مووز جیاوازه‌ و ئێستاش جیاوازه‌. ئامۆژگاریم بۆ بیرۆكرات و سیاسییه‌كان به‌ خۆیشمه‌وه‌ ئه‌وه‌یه‌، خێرا لیستی شه‌هیدانی 15ی ته‌مووز بكه‌نه‌وه‌ و ته‌ماشای بكه‌ن".