ئیستانبوڵ- AA
فڕۆكهیهك كه له فڕۆكهخانهی نێودهوڵهتیی سهبیحه گۆكچهن له ئیستانبوڵ نیشتهوه، له رێڕهوی نیشتنهوه دهرچوو.
بهپێی ئهو زانیارییانهی دهستكهوتوون، فڕۆكهی سهربه هێڵی ئاسمانیی پێگاسوس كه گهشتیی نێوان ئیزمیر-ئیستانبوڵی ئهنجامداوه، دوای نیشتنهوهی له فڕۆكهخانهی سهبیحه گۆكچهن، له رێڕهوی نیشتنهوه دهرچووه.
دوای دهرچوونی فڕۆكهكه له رێڕهوی نیشتنهوهی، ژمارهیهكی زۆر تیمی ئاگركوژێنهوه و تهندروستیی رهوانهی شوێنی رووداوهكه كران.
ئهو ئاگرهی كه له فڕۆكهكه بهرببوو، لهلایهن تیمهكانی ئاگركوژێنهوهوه كوژێنرایهوه و سهرنشینانی فڕۆكهكه دهرباز دهكرێن.
ئەوەش زانراوە ئەو فڕۆکانەی کە بڕیاربوو لە فڕۆکەخانەی نێودەوڵەتیی سەبیحە گۆکچەن بنیشنەوە، بۆ فڕۆکەخانەی ئیستانبوڵ ئاڕاستەکراون.
ھەریەک لە پارێزگاری ئیستانبوڵ، عەلی یەرلیکایا و بەڕێوەبەری ئاسایشی ئیستانبوڵ، موستەفا چاڵشکان، بەمەبەستی ئاگاداربوون لە رووداوەکە چوونە فڕۆکەخانەی نێودەوڵەتیی سەبیحە گۆکچەن.
عەلی یەرلیکایا گوتیشی: "بە گوێرەی تۆمارەکانی بەڕێوەبەرایەتی گشتیی تەندروستی پارێزگا، ١٣٩ بریندار گواستراونەتەوە بۆ ١٨ نەخۆشخانەی جیاواز".
وەزیری گواستنەوە و ژێرخانی تورکیا، جاھید تورھان، لەمبارەیەوە گوتی: " فڕۆکەکە ١٧٧ سەرنشینی ھەڵگرتبوو کە دووی منداڵن و شەش کەسیش تیمی فڕۆکەوانیەکەن".
ھاوکات ھێڵی ئاسمانیی تورکی بەھۆی ئەو رووداوەی کە روویداوە سەرجەم نیشتنەوە و فڕینەکانی ئەمڕۆی ھێڵەکەی لە فڕۆکەخانەی سەبیحە گۆکچەن، ھەڵوەشاندەوە.
Sabiha Gökçen Havalimanı’nda bir uçak pistten çıktı https://t.co/ZHryFCRFRW
— AA Canlı (@AACanli) February 5, 2020
