پارێزگاری وان: "٢٣ كه‌س له‌ هه‌ره‌سی دووه‌می به‌فردا گیانیان له‌ده‌ستداوه‌"

وان - AA

پارێزگاری وان، مه‌همه‌ت ئه‌مین بیلمه‌ز رایگەیاند کە له‌ ئه‌نجامی هه‌ره‌سی دووه‌می به‌فر له‌ قەزای باخچه‌سارای، ٢٣ كه‌س گیانیان له‌ده‌ستداوه‌.

مه‌همه‌ت ئه‌مین بیلمه‌ز گوتی: "له‌ ئه‌نجامی هه‌ره‌سی دووه‌می به‌فردا، به‌داخه‌وه‌ هه‌شت جه‌ندرمه‌، سێ كارمه‌ندی هێزه‌ ئه‌منییه‌كان، سێ كارمه‌ندی ئاگركوژێنه‌وه‌ و نۆ هاووڵاتیی سڤیل كه‌ سه‌رجه‌میان ده‌كاته‌ ٢٣ كه‌س گیانیان له‌ده‌ستداوه‌".

پارێزگاری وان، مه‌همه‌ت ئه‌مین بیلمه‌ز تیشكی خسته‌سه‌ر ئه‌وه‌ی کە كاره‌كانی گه‌ڕان و رزگاركردن درێژه‌یان هه‌یه‌ و باسی له‌وه‌كرد کە ناتوانن زانیاریی له‌باره‌ی ژماره‌ی ئه‌و كه‌سانه‌ بده‌ن كه‌ بوون به‌ژێر هه‌ره‌سی به‌فره‌كه‌وه‌.