له‌ ئورفا رێگری له‌ په‌لامارێكی خۆكوژیی داعش كرا

ئورفا - AA

لە چوارچێوەی ئۆپەراسیۆنێکی دژبە داعش لە ئورفا، سێ کیلۆ و ٥٦٠ گرام تی ئێن تی، سێ بۆمبی دەستی و شەش کەپسولی کارەبایی دەستیان بەسەردا گیراوە و کەسێکیش دەستگیرکرا.

تیمەکانی ھۆبەی بەرەنگاربوونەوەی تیرۆر لە بەڕێوەبەرایەتی ئاسایشی شارەکە، بەتۆمەتی ھاوکاریکردنی ئۆپەراسیۆنێکیان بۆ ناونیشانی عەبود ماھۆ ئەنجامدا و دەستبەسەریان کرد.

لەسەر زانیارییەکانی ناو دانپێدانانەکانی ناوبراو لە شارۆچکەی ئاکچەکالە لەناو گێنویەکدا کە کرابوو بەژێر خاکەوە، سێ کیلۆ و ٥٦٠ گرام تی ئێن تی، سێ بۆمبی دەستی و شەش کەپسولی کارەبایی دەستیان بەسەردا گیرا.

دەرکەوتووە کە ئەو کەرەستانەی دەستیان بەسەردا گیراوە، ھاوشێوەن لەگەڵ ئەو کەرەستانەی لە پەلامارەکانی ئیستانبوڵ، ئەنقەرە و عەنتابدا بەکارھێنرابوون.