كۆنگره‌ی رۆژنامه‌وانی گوته‌بێژی ئاک پارتی، عومه‌ر چه‌لیک

ئەنقەرە - AA

گوتەبێژى ئاك پارتى عومەر چەليك، لە بارەى دەستلەكاركێشانەوەى وەزيرى گەنجينە و دارايى توركيا بەرات ئاڵبايراك، گوتى، "راى بەڕێز سەركۆمارمان، بەو شێوەى كە بە گونجاوى دەزانێت بۆ راى گشتى بڵاوي دەكاتەوە".

عومەر چەليك، لە كاتى بەڕێوەچوونى کۆبوونەوەی ئەنجوومەنى ناوەندی بڕیار و بەڕێوەبردنى ئاک پارتى لە ناوەندى گشتيى پارتەكە کە بە سەرۆكايەتى سەركۆمارى توركيا رەجەب تەيب ئەردۆغان بەڕێوەچوو، كۆنگرەيەكى رۆژنامەوانیى سازكرد.

چەليك، لە بارەى دەستلەكاركێشانەوەى وەزيرى گەنجينە و دارايى توركيا بەرات ئاڵبايراك، گوتى، "راى بەڕێز سەركۆمارمان، بەو شێوەى كە بە گونجاوى دەزانێت بۆ راى گشتى بڵاوي دەكاتەوە".

چەليك گوتيشى، "لە سیستەمی سەرۆکایەتیدا، سپاردنی بەرپرسیارێتی، لێسەندەنەوەی پەرپرسیارێتی، پەسەندکردنی دەستلەکارکێشانەوە و یان رەتکردنەوەی، لە دەسەڵاتی سەرۆکایەتی کۆمار دایە".

عومەر چەليك، جەختى لەسەر نەبوونى هيچ گرفتێك لە دەوڵەتدا كردەوە و گوتى، "هیچ گرفتێک لە دەوڵەتەکەماندا نییە و هەموو شتێک لە شوێینی خۆیەتی و بە هێزەوە درێژە دەدەین بە رێگەکەمان".

سەبارەت بە هەڵبژاردنى سەرۆكايەتى ئەمريكا و پيرۆزكردن لە كانديدى براوەى هەڵبژاردنەكان، چەليك گوتى، "توركيا، كەى ئەنجامە فەرمييەكان ئاشكراكرا ئەوە پيرۆزبايى لە براوە دەكات".