سەرۆکی شارەوانی ئەسەنیورت ئۆزەر بەشێوەیەکی کاتی لەکار دوورخرایەوە

ئەنقەرە - AA

وەزارەتی ناوخۆی تورکیا بڵاویکردەوە سەرۆکی شارەوانی ئەسەنیورت، ئەحمەد ئۆزەر کە بە تاوانی "ئەندامبوون لە ڕێکخراوی تیرۆریستیی پەکەکە/کەجەکە" دەستبەسەرکراوە، بەشێوەیەکی کاتی لەکار دوورخراوەتەوە و جێگری پارێزگاری ئیستانبوڵ، جان ئاکسۆی وەک بریکاری سەرۆکی شارەوانی ڕاسپێردراوە.

لە ڕاگەیاندراوێکدا کە لە هەژماری تۆڕی کۆمەڵایەتی وەزارەتەکەدا بڵاوکراوەتەوە، هاتووە: "لە چوارچێوەی ئەو لێکۆڵینەوەیەی لەلایەن سەرۆکایەتی داواکاری گشتیی کۆماری ئیستانبوڵەوە بەڕێوەدەچێت، سەرۆکی شارەوانی ئەسەنیورت، ئەحمەد ئۆزەر، کە بە تاوانی "ئەندامبوون لە ڕێکخراوی تیرۆریستیی پەکەکە/کەجەکە" لەلایەن دادگاوە فەرمانی دەستبەسەرکردنی بۆ دەرکرا، بەپێی ماددەی ١٢٧ی دەستوور و ماددەی ٤٧ی یاسای شارەوانی ژمارە ٥٣٩٣ لەلایەن وەزارەری ناوخۆوە بەشێوەیەکی کاتی لەکار دوورخراوەتەوە".

هەروەها لە ڕاگەیاندراوەکەدا ئاماژە بەوە کراوە کە بەپێی ماددەکانی ٤٥ و ٤٦ی یاسای شارەوانی ژمارە ٥٣٩٣ جێگری پارێزگاری ئیستانبوڵ، جان ئاکسۆی وەک بریکاری سەرۆکی شارەوانی ڕاسپێردراوە.