رەوانەکردنی بڕی ١٠٠ تۆن پەتاتە لە تورکیاوە بۆ سووریا

هاتای - AA

رێکخراوێکی خێرخوازی لە تورکیا، بڕی ١٠٠ تۆن پەتاتەی وەک کۆمەک رەوانەی شاری ئیدلب کرد لە سووریا.

سەرۆکی رێکخراوی خێرخوازی و هاریکاری حەقی ئایگون، بە پەیامنێری ئاژانسی ئانادۆڵوی راگەیاند کە ئەوان بەردەوام دەبن لە هاوکاری و کۆمەکییەکانیان بۆ خەڵکی سووریا. ئاماژەی بەوەشدا کە بە هاوکاری خێرخوازان لەڕێگەی چوار بارهەڵگرەوە ١٠٠ تۆن پەتاتەیان رەوانەی شاری ئیدلب و گوندەکانی دەوروبەری کردووە، گوتی: "بڕی ئەم کۆمەکە لەلایەن تیمەکانمانەوە بەسەر هاووڵاتییانی سووری دابەش دەکرێن. ئێمە بەردەوام دەبین لە کۆمەککردنی هاووڵاتییانی سووریا".

دوای بەڕێکەوتنی بارهەڵگرەکان لە دەروازەی سنووری جیلوەگۆز لە قەزای رەیحانلییەوە دەربازی سووریا بوون.