رووسیا.. بەردەوامی خۆپیشاندانەکان

مۆسکۆ - AA

دەیان ھەزار کەس لە رووسیا خۆپیشاندانیان ئەنجامدا و داوای ئازادکردنی ئەو کەسانەیان دەکرد کە لە میانی خۆپیشاندانەکاندا دەستگیرکراوان.

بەپێی ئەو راگەیەندراوەی لە وەزارەتی ناوخۆی رووسیا بڵاوکراوەتەوە، نزیکەی ٢٠ ھەزار کەس بەشداریان لە خۆپیشاندانەکەی شاری مۆسکۆی پایتەختدا کرد و رێکخراوەکانی کۆمەڵگەی مەدەنیش رایانگەیاند کە ٢٥ ھەزار کەس بەشداریان لە خۆپیشاندانەکەدا کردووە.

خۆپیشاندانەکە لە چواریانی ساخارۆڤ لە شاری مۆسکۆ نزیکەی دوو کاتژمێری خایاند و دامەزرێنەری سندووقی بەرەنگاربوونەوەی گەندەڵی، ئەلێکسی ناڤالینی و چەندین کەسایەتی دیکەی ئۆپۆزسیۆن بەشداریان تیایدا کرد.

خۆپیشاندەران هوتافیان لە دژی پوتین گوتەوە و داوای ئازادکردنی ئەو کەسانەیان دەکرد کە لە میانی خۆپیشاندانەکاندا دەستگیرکراوان.

بەهۆی بەردەوامی خۆپیشاندانەکان لە رووسیا، تاکو ئێستا ژمارەیەکی زۆری کەس دەستگیرکراون و بەشێکیش دەستبەسەرکراون.