رووخاندنی بینا زیانلێکەوتووەکانی هاتای بەردەوامە

هاتای - AA

لە پارێزگای هاتای رووخاندنی ئەو خانووانە بەردەوامە کە بەهۆی بوومەلەرزەکانی شەشی شوباتەوە زیانی زۆریان بەرکەوتووە.

ئەو خانووانەی لە قەزاکانی ئەنتاکیا، دەفنە، ئاڵتنئۆزوو، ئیسکەندەروون، هاسا، سامانداغ، کرکهان، بەلەن، رەیهانلی، ئارسووز، یایلاداغی و ئەرزین کە دوای بوومەلەرزەکان بڕیاری رووخاندنیان بۆ دەرکرابوو، دەڕوخێندرێن.

کارەکانیش لەلایەن تیمی پسپۆڕەوە ئەنجامدەدرێن و بۆ رێگریکردن لە هەر زیانێک بە دەوروبەری بیناکان، رێوشوێنی پێویست دەگیرێتەبەر و کارەکان بە شێوەیەکی کۆنرۆڵکراو ئەنجام دەدرێن.

دواتر پاشماوەی بینا رووخێندراوەکان دەکرێنە بارهەڵگرەوە و دەبرێنە ئەو شوێنانەی کە بۆ فڕێدانی داروپەردووەکان تەرخان کراون.