رزگارکردنی ١٢٠ كۆچبه‌ر له‌ ئایدن

ئیزمیر – AA

١٢٠ كۆچبه‌ر كه‌ له‌لایه‌ن هێزه‌كانی ئاسایشی كه‌ناراوه‌كانی یۆنانه‌وه‌، گه‌ڕێندرابوونه‌وه‌ سنووره‌ ئاوییه‌كانی توركیا له‌ سنووری كارگێڕی قه‌زای كوشئاداسی‌ له‌ پارێزگای ئایدن، رزگاركران.

دوای ئه‌وه‌ی كۆچبه‌ران داوای به‌هاناوه‌چوونیان له‌ تیمه‌كانی ئاسایشی كه‌ناراوه‌كانی توركیا كرد، تیمه‌كان گه‌یشتنه‌ سنووره‌ ئاوییه‌كان له‌ قه‌زای كوشئاداسی و هه‌ر ١٢٠ كۆچبه‌ره‌كه‌ی ناو به‌له‌مه‌ لاستیكییه‌كه‌یان رزگار كرد كه‌ له‌لایه‌ن هێزه‌كانی ئاسایشی كه‌ناراوه‌كانی یۆنانه‌وه‌، گه‌ڕێندرابوونه‌وه‌ سنووره‌ ئاوییه‌كانی توركیا.

دوای راییكردنی كاره‌كانیشیان، كۆچبه‌ره‌كان ره‌وانه‌ی فه‌رمانگه‌ی كۆچ و كۆچبه‌رانی ئایدن كران.