دەستگیرکردنی چوار هەزار و ٩٥١ داواکراو لە چوارچێوەی ئۆپەراسیۆنی بازنە-٨ لە سەرانسەری تورکیا

ئەنقەرە - AA

وەزیری ناوخۆی تورکیا عەلی یەرلیکایا ڕاگەیاند، لە ماوەی چوار ڕۆژی ڕابردوودا لە ٨١ پارێزگا ئۆپەراسیۆنی هاوبەش بۆ دەستگیرکردنی ئەو کەسانە دەستی پێکرد کە داواکراو بوون و چوار هەزار و ٩٥١ کەس دەستگیر کران.

لە ڕاگەیەندراوێکدا کە لە هەژماری خۆی لە تۆڕی کۆمەڵایەتی بڵاویکردەوە، یەرلیکایا باسی لە بەڕێوەچوونی ئۆپەراسیۆنی بازنە-٨ کردووە بۆ دۆزینەوەی ئەو کەسانەی کە داواکراو بوون.

لە ڕاگەیەندراوەکەدا هاتووە: "لە ماوەی چوار ڕۆژی ڕابردوودا لە چوارچێوەی ئۆپەراسیۆنی بازنە-٨ کە هاوکات لە ٨١ پارێزگا بەڕێوەچوو، چوار هەزار و ٩٥١ کەس دەستگیر کران".

وەزیری ناوخۆی تورکیا جەختی لە بەردەوامی ئۆپەراسیۆنەکان بە مەبەستی دەستگیرکردنی تاوانباران و ئارامی وڵات کردووەتەوە.