دەستگیرکردنی دوو هەزار و ٨٤٢ داواکراو لە چوارچێوەی ئۆپەراسیۆنی بازنە-٩ لە سەرانسەری تورکیا

ئەنقەرە - AA

وەزیری ناوخۆی تورکیا عەلی یەرلیکایا ڕاگەیاند، لە ماوەی سێ ڕۆژی ڕابردوودا لە ٨١ پارێزگا ئۆپەراسیۆنی هاوبەش بۆ دەستگیرکردنی ئەو کەسانە دەستی پێکرد کە داواکراو بوون و دوو هەزار و ٨٤٢ کەس دەستگیر کران.

لە ڕاگەیەندراوێکدا کە لە هەژماری خۆی لە تۆڕی کۆمەڵایەتی بڵاویکردەوە، یەرلیکایا باسی لە بەڕێوەچوونی ئۆپەراسیۆنی بازنە-٩ کردووە بۆ دۆزینەوەی ئەو کەسانەی کە داواکراو بوون.

Son 3️⃣ gün içinde 8️⃣1️⃣ İlde eş zamanlı olarak “Aranan Şahıslara Yönelik” gerçekleştirilen “ÇEMBER-9 Operasyonlarında” Arama Kaydı bulunan 2️⃣.8️⃣4️⃣2️⃣ Firari Yakalandı❗️

Aziz Milletimizin Bilmesini İsterim ki,
Firari suçluların sokaklarımızda gezmelerine asla izin vermeyeceğiz.… pic.twitter.com/yjdhLDXUu4

— Ali Yerlikaya (@AliYerlikaya) December 16, 2023

لە ڕاگەیەندراوەکەدا هاتووە: "لە ماوەی سێ ڕۆژی ڕابردوودا لە چوارچێوەی ئۆپەراسیۆنی بازنە-٩ کە هاوکات لە ٨١ پارێزگا بەڕێوەچوو، دوو هەزار و ٨٤٢ کەس دەستگیر کران کە بە تۆمەتی جۆراوجۆر وەک دزی، ساختەکاری، دەستدرێژی، ماددەی هۆشبەر و تیرۆر و تاوانە ڕێکخراوەییەکان داواکراو بوون".

وەزیری ناوخۆی تورکیا وێڕای بڵاوی کردنی تۆمارێکی ڤیدیۆیی ئۆپەراسیۆنەکە، جەختی لە بەردەوامی ئۆپەراسیۆنەکان بە مەبەستی ڕادەستکردنی تاوانباران بە دادگاکان کردووەتەوە.