Mersin
مێرسین ــ AA
کەشتییەکی دیکەی یارمەتی مرۆیی کە لەلایەن مانگی سووری تورکیاوە ئامادەکراوە، لە بەندەری مێرسینەوە ڕەوانەی غەززە دەکرێت.
بەپێی ئەو زانیارییانەی کە دەستی پەیامنێری ئاژانسی ئانادۆڵو کەوتوون، مانگی سووری تورکیا کەشتییەکی یارمەتی مرۆیی کە سێ ھەزار و ٧٧٤ تۆن خۆراکی ھەڵگرتووە لە بەندەری مێرسینەوە ڕەوانەی غەززە دەکات.
بڕیارە سبەی سێشەممە، کەشتییەکە لە بەندەری مێرسینەوە بەرەو غەززە بەڕبکەوێت.
لەو کاتەی شەڕی غەززە لە ٧ی تشرینی یەکەمی ساڵی ٢٠٢٣وە دەستی پێکراوە و تا ئێستا بەردەوامە، ئەمە نوھەمین کەشتی یارمەتی مرۆیی کە لەلایەن تورکیاوە ڕەوانەی غەززە دەکرێت.
یارمەتییە مرۆییەکانی مانگی سووری تورکیا لە بەندەری عەریشەوە بە بارھەڵگر دەگوزارێنەوە بۆ دەروازەی ڕەفەح و لەوێ ڕادەستی مانگی سووری فەڵەستین دەکرێن، بۆ ئەوەی بگەیەندرێنە خەڵکی غەززە.
تا ئێستا، تورکیا لە ڕێگای مانگی سوور و سەرۆکایەتی ئیدارەی کارەسات و دۆخی لەناکاو (ئافاد) بە ١٣ فڕۆکە و ھەشت کەشتی، ٣٩ ھەزار و ٦٠٧ تۆن یارمەتی مرۆیی ڕەوانەی غەززە کردووە.
