تورکیا نوێنەرایەتی لە پارێزگای سلێمانی دەکاتەوە

كۆماری توركیا بەمەبەستی بەرەوپێشبردنی پەیوەندییەكانی لەگەڵ حكوومەتی هەرێمی كوردستاندا لەپاڵ كونسوڵخانەكەی لەشاری هەولێر، لە پارێزگای سلێمانیش نوێنەرایەتییەك دەكاتەوە.

وەزارەتی دەرەوەی توركیا و سەركونسوڵگەری ئەو وڵاتە لە هەولێر گەیشتوونەتە كۆتایی كارەكانی كردنەوەی نووسینگەی نوێنەرایەتییەكەیان لە پارێزگای سلێمانی. لەگەڵ تەواوبوونی كارەكانیشدا، نوێنەرایەتی سلێمانی دەست بە ئیش و كاری خۆی دەكات.

لە نووسینگەی ئاماژە پێكراو خزمەتگوزارییەكانی پێویست پێشكەشی هاووڵاتییانی تورك لە ناوچەكە و هاووڵاتییانی عێراقی دەكرێت لەسەروو هەمووشیانەوە خزمەتگوزارییەكانی پاسپۆرت و ڤیزا.

كردنەوەی نوێنەرایەتییەكەی سلێمانی هەنگاوێكی گرنگ دەبێت لەبەرەوپێشبردنی پەیوەندییەكانی نێوان توركیا و هەرێمی كوردستان.