تورکیا.. تەقینەوەکەی بنکەی سەربازیی شاری ھەکاری

ئەنقەرە - AA

تا دیاریکردنی ھۆکاری تەقینەوەکەی ھەفتەی پێشووی بنکە سەربازییەکەی ھەکاری، بەکارھێنانی تەقەمەنی ١٧٥ میلیم لە جۆری M١٠٧ K/M کە لە گوللـەتۆپدا کەڵکی لێوەردەگیرێ، راگیرا.

بەپێی ئەو راگەیەندراوەی لە ماڵپەڕی فەرمی وەزارەتی بەرگری تورکیا بڵاوکراوەتەوە، ئەنجامی لێکۆڵینەوەی شاندنی تەکنیکی و ئیداری سەر بە فەرماندەیی ھێزەکانی وشکایی پەیوەندیدار بە تەقینەوەکەی ٩ی تشرینی دووەمی ٢٠١٨ لە بنکەیەکی سەربازیی لە شاری ھەکاری بڵاوکرایەوە.

لە لێکۆڵینەوەی شاندی تەکنیکی و ئیداری کە لەلایەن فەرماندەی ھێزەکانی وشکایی پەیوەندیدار بە تەقینەوەکەی بنکەیەکی سەربازیی شاری ھەکاری پێکھێنراوە، ئەوە دەرکەوتووە کە لەوەو پێش ھیچ رووداوێک بەھۆی بەکارھێنانی تەقەمەنی ١٧٥ میلیم لە جۆری M١٠٧ K/M لە گوللـەی تۆپ رووینەداوە.