"تورکیا بە زووترین کات پێویستی بە سیستەمی بەرگرییە"

وەزیری بەرگری تورکیا، فکری ئشک لە لێدوانێکیدا لە ئەمریکا رایگەیاند "تورکیا بە پەلە پێویستی بە سیستەمی بەرگری ئاسمانی ھەیە. لە دوا قۆناغی بڕیاردانداین (قۆناغی کڕینی سیستەمی بەرگری S-٤٠٠). ئەم بڕیارە لەلایەن سەرکۆمار و سەرۆکوەزیرانمان دەدرێت".

فکری ئشک ئاماژەی بەوە کرد کە لەگەڵ هاوتا ئەمریکییەکەی باسیان لە بابەتی پەیەدە کردووە و گوتی: "پەیەدە باڵێکی تیرۆریستییە. بە شێوەیەکی دۆستانە باسمان لە بابەتەکە کرد. لە ئێستادا (سەبارەت بە ئۆپەراسیۆنی رەققە) بڕیارێکی کۆتایی و یەکلاییکەرمان نەداوە".

لەبارەی کردنەئامانجی بنکەی ئاسمانی رژێمی ئەسەد لە ناوچەی شوعەیرات ناوەڕاستی سووریا لەلایەن ئەمریکاوە ناوبراو گوتی: "ئازایەتی دۆناڵد ترەمپ دڵسۆزییەکی زۆری لە ناوچەکە دروست کردووە بۆ ئەمریکا. هۆکارێکی گرنگ بوو بۆ بەرزکردنەوەی ورە لە ناوچەکە. ئەو کاردانەوەیە زۆر گرنگ و بەهادارەی ئەمریکا دەبێت بەردەوام بێت".