تره‌مپ هاوكاری ته‌رخانكراوی بۆ ناوچه‌كانی ژێر كۆنتڕۆڵی یه‌په‌گه‌/په‌كه‌كه‌ راگرت

واشنتۆن - AA

سه‌رۆكی ئه‌مریكا دۆناڵد تره‌مپ رێنمایی داوه‌ به‌ راگرتنی ئەو٢٠٠ ملیۆن دۆلارەی کە له‌لایه‌ن وه‌زاره‌تی ده‌ره‌وه‌ ته‌رخانكرابوو بۆ سه‌رله‌نوێ ئاوه‌دانكردنه‌وه‌ی ئه‌و ناوچانه‌ی یه‌په‌گه‌/په‌كه‌كه‌ به‌ پشتیوانی هاوپه‌یمانی نێوده‌وڵه‌تی دژی داعش به‌ سه‌رۆكایه‌تی ئه‌مریكا كۆنتڕۆڵی كردوون.


به‌رپرسانی ئه‌مریكی بۆ رۆژنامه‌ی Wall Street یان راگەیاندووە كه‌ كۆشكی سپی هه‌ڵسه‌نگاندن بۆ رۆڵی داهاتووی ئه‌مریكا له‌ سووریا ده‌كات. له‌ میانی ئه‌و هه‌ڵسه‌نگاندنه‌دا به‌رپرسانی باڵا بڕی ئه‌و ٢٠٠ ملیۆن دۆلار هاوكارییه‌ راده‌گرن كه‌ بڕیار وابوو بۆ سه‌قامگیری له‌و ناوچانه‌ی سووریا كه‌ ئۆپه‌راسیۆنی تیادا ئه‌نجام دراوه‌ ته‌رخان بكرێ.

به‌رپرسان بۆ رۆژنامه‌كه‌ ئاماژه‌یان به‌وه‌ داوه‌ كه‌ رێنماییه‌كه‌ی كۆشكی سپی "هاوته‌ریبه‌ له‌گه‌ڵ هه‌ڵوێستی تره‌مپ كه‌ رۆژی پێنجشه‌ممه‌ رایگه‌یاند سوپای ئه‌مریكا له‌ سووریا ده‌كشێته‌وه‌".

هه‌روه‌ها بانگه‌شه‌ی ئه‌وه‌یشیان كردووه‌ كه‌ سه‌رۆكی ئه‌مریكا دۆناڵد تره‌مپ رێنمایی داوه‌ به‌ راگرتنی بڕی ٢٠٠ ملیۆن دۆلار کە پێشتر له‌لایه‌ن وه‌زاره‌تی ده‌ره‌وه‌ ته‌رخانكرابوو بۆ سه‌رله‌نوێ ئاوه‌دانكردنه‌وه‌ی ئه‌و ناوچانه‌ی یه‌په‌گه‌/په‌كه‌كه‌ به‌ پشتیوانی هاوپه‌یمانی نێوده‌وڵه‌تی دژی داعش به‌ سه‌رۆكایه‌تی ئه‌مریكا كۆنتڕۆڵی كردوون.

به‌رپرسان بانگه‌شه‌ی ئه‌وه‌یان كردووه‌ كه‌ هۆكاری بڕیاره‌كه‌ی تره‌مپ بۆ ئه‌وه‌ ده‌گه‌ڕێته‌وه‌ به‌ره‌نگاربوونه‌وه‌ی داعش له‌ سووریا له‌و كۆتاییانه‌دا گه‌یشتۆته‌ خاڵی بنبه‌ست.

راشگه‌یه‌ندراوه‌ كه‌ رێنماییه‌كه‌ رۆژی رابردوو له‌لایه‌ن به‌ڕێوه‌به‌ری خامه‌ی تایبه‌تی كۆشكی سپی جۆن كێللی گه‌یه‌ندراوه‌ته‌ بریكاری وه‌زاره‌تی ده‌ره‌وه‌ جۆن سوللیڤان.