"تا ئێستا ناسنامەی ١٠ لەو تەرمانە ئاشکراکراوە کە لە گارە دۆزراونەتەوە"

مالاتیا- AA

لە میانی ئۆپەراسیۆنی "چنگی هەڵۆ-٢" کە لە ١٠ی ئەم مانگە بۆسەر ناوچەی گارە باکووری عێراق دەستیپێکرد، تەرمی ١٣ هاووڵاتی تورکیا دۆزرانەوە کە لە ماوەکانی رابردوودا، لەلایەن تیرۆریستانی پەکەکە رفێندرابوون و دواتر شەهیدکرابوون.

لەوبارەیەوە پارێزگاری مەڵلاتیا، ئایدن باروش کۆنگرەیەکی رۆژنامەوانیی رێکخست و ئەوەی ئاشکرا کرد کە ئەو کەسانە لەنێوان ساڵانی ٢٠١٥- ٢٠١٦ لەلایەن تیرۆریستانی پەکەکە رفێندراون و دواتر لە ناوچەی گارە و لەناو زیندانی رێکخراوەکەدا، بەکوژراوی دۆزراونەتەوە، دواتر بۆ ئاشکراکردنی ناسنامەکانیان هێندراونەتە پزیشکی دادوەری مالاتیا.

ئایدن باروش باسی لەوەشکرد کە ١٢ لە کوژراوەکان لە رێی تەقەکردن لە سەریان و یەکێکیشیان بەهۆی تەقەکردن لە سنگی شەهیدکراون و تا ئێستا ناسنامەی ١٠ کەسیان ئاشکرا کراوە، هەوڵەکانیش بۆ ئاشکراکردنی ناسنامەی سێ کەسەکەی دیکە بەردەوامن.