Mazın Asad
16 ئادار 2018•نوێکردنەوە: 16 ئادار 2018
ئەنقەرە - AA
وەزارەتی دەرەوەی تورکیا لەبارەی بڕیاری پەرلەمانی ئەورووپا لەبارەی ئۆپەراسیۆنی لقی زەیتون رایگەیاند: "ئەو بڕیارەی پەرلەمانی ئەورووپا مایەی قبووڵکردن نییە. تورکیا ھەروەک لە رابردوودا لەمەودواش بە پێداگری لە بەرەنگاریی رێکخراوانی تیرۆریستی بەردەوام دەبێت".
وەزارەتی دەرەوەی تورکیا راگەیەنراوێکی لەوبارەیەوە بڵاوی کردەوە کە ئاماژەی بەوە دا کە بڕیارەکەی پەرلەمانی ئەورووپا لە ژێرناونیشانی "دۆخی سووریا" کە بانگەوازی بۆ تورکیا دەکات، ئەوە دەردەخات کە پەرلەمانی ئەورووپا چەندە لە راستییەکان دوورە و تیایدا ھاتووە "پەرلەمانی ئەورووپا ئەم بڕیارە جارێکی دیکە نیشانی دا کە لە راستییەکان دوورە و خاوەن روانگەیەکی لایەندارە".
