بوومەلەرزەیەک بەگوڕی ٥،٣ پلە پارێزگای موغڵای هەژاند

ئەنقەرە - AA

بوومەلەرزەیەک بەگوڕی ٥،٣ پله‌، کەناراوەکانی شارۆچکەی داتچا سەربە پارێزگای موغڵای هەژاند.

بەپێی راگەیەندراوێک کە لە ماڵپەڕی سەرۆکایەتی ئیدارەدانی کارەسات و باری لە ناکاو (AFAD)دا بڵاوکردووەتەوە، بوومەلەرزەکە کاتژمێر ٠١:١٤ی ئەمڕۆ لە کەناراوەکانی شارۆچکەی داتچا سەربە پارێزگای موغڵا لە دەریای ئیجە، بەگوڕی ٥،٣ پله‌ روویداوە.

ئاماژە بەوەیش کراوە کە چەقی بوومەلەرزەکە لە دووری نزیکەی ٤٠ کیلۆمەتر لە شارۆچکەی داتچاوە بووە و لە قوڵایی١١،٤٠ کیلۆمەتر لەسەر ئاستی رووی دەریادا روویداوە.