بارینی به‌فر له‌ ناوچه‌ی كاپادۆكیا

نه‌وشه‌هیر - AA

به‌هۆی بارینی به‌فر كه‌ له‌ كاته‌كانی شه‌وه‌وه‌ له‌ ناوچه‌ی كاپادۆكیا ده‌ستیپێكردووه‌ كه‌ یه‌كێكه‌ له‌ ناوه‌نده‌ گرنگه‌كانی گه‌شتوگوزاری توركیا، كڵاورۆشنه‌كانی په‌ری و تاشه‌ به‌رده‌ سروشتییه‌كان ره‌نگی سپیان پۆشیوه‌.

له‌ كاتێكدا بارینی به‌فر دیمه‌نی قه‌شه‌نگی به‌ ناوچه‌كه‌ به‌خشیوه‌، گەشتیاران له‌نێو به‌فره‌كه‌دا شه‌ڕه‌ به‌فریان كرد.

گه‌شتیارانی بیانی كاتێک به‌ ناحیه‌كانی ئوچهیسار و گۆره‌مه‌دا ده‌گه‌ڕان كه‌ به‌ به‌فر داپۆشراون، وێنه‌ی جوانی ناوچه‌كه‌یان ده‌گرت.

گه‌شتیاری تایوانی، تسا یو تسی كه‌ له‌گه‌ڵ هاووڕێیانیدا سه‌ردانی ناوچه‌كه‌ی كردووه‌ و به‌ دیمه‌نی قه‌شه‌نگی ناوچه‌كه‌ شادبووه‌، باسی له‌وه‌ كرد له‌و ناوچه‌ی وڵاته‌كه‌ی كه‌ تیایدا ده‌ژی به‌فر نابارێت، له‌به‌رئه‌وه‌ سه‌ردانی توركیای كردووه‌ بۆ بینینی جوانیی كاپادۆكیا.