ئیستانبوڵ...بەتۆمەتی ئەندامێتی داعش ١٢ کەس دەستگیر کران

ئیستانبوڵ- AA

لە شاری ئیستانبوڵ ئۆپەراسیۆنی بەرەنگاربوونەوەی داعش بەڕێوەچوو.

تیمەکانی بەڕێوبەرایەتی هۆبەی بەرەنگاربوونەوەی تیرۆر، بۆ دەستگیر کردنی ئەو تۆمەتبارانەی کار بۆ رێکخراوی تیرۆریستی داعش دەکەن و لە ناوەوە و دەرەوەی وڵات پارە بۆ رێکخراوەکە کۆدەکەنەوە، لێکۆڵینەوەی دەستپێکرد.

لە ئەنجامی لێکۆڵینەوەکاندا ئۆپەراسیۆن بۆسەر ١٢ ناونیشانی جیاواز ئەنجامدرا و ١٢ گومانلێکراو دەستگیر کران کە پێشتر بڕیاری دەستبەسەر کردنیان بۆدەرکرابوو.

لە شوێنی مانەوەی تۆمەتبارەکاندا دەستگیرا بەسەر ژمارەیەکی زۆر بەڵگەنامەی رێکخراوەکە و چەند ئامێرێکی دیجیتاڵیدا.

لە ئێستاشدا لێکۆڵینەوە لەگەڵ تۆمەتبارەکان بەردەوامە.