ئیزمیر.. ژێرئاوكه‌وتنی به‌له‌مێكی كۆچبه‌ران

ئیزمیر - AA

دوای گه‌یشتنی هه‌واڵی ژێرئاوكه‌وتنی به‌له‌مێكی كۆچبه‌ران له‌ كه‌ناراوه‌كانی شارۆچكه‌ی دیكیلیی سەربە پارێزگای ئیزمیر، تیمه‌كانی فریاكه‌وتن گه‌یشتنه‌ شوێنی رووداوه‌كه‌.

كاتژمێر شەش و 20 خوله‌ك له‌ ناوچه‌ی دێنیز كۆی، دوو كۆچبه‌ر به‌ مه‌له‌کردن خۆیان رزگاركرد و رایانگه‌یاند، به‌له‌مه‌كه‌یان ژێرئاوكه‌وتووه‌ و 10 كه‌س بێسه‌روشوێنن.

دواتر تیمه‌كانی فریاكه‌وتن ره‌وانه‌ی شوێنه‌كه‌ كران و كاره‌كانی گه‌ڕان و پشكنین ده‌ستیپێكرد.

له‌ئێستادا، سێ به‌له‌می فریاكه‌وتن سه‌رقاڵی گه‌ڕانن به‌دوای سه‌رنشینانی به‌له‌مه‌كه‌دا.